Gallwch ddefnyddio ein gwasanaeth ar-lein i newid y manylion sydd gennym ar gyfer eich elusen. Dangosir peth o'r wybodaeth ar gofnod yr elusen ar y Gofrestr, felly mae'n bwysig eich bod yn ei diweddaru.
Gallwch ddiweddaru'r canlynol:
- manylion cyswllt yr elusen
- cyfeiriadau e-bost (ar ddefnydd y Comisiwn ac i'w dangos i'r cyhoedd)
- diwedd y flwyddyn ariannol
- manylion yr ymddiriedolwyr
- cyfeiriad gwefan eich elusen
- ble mae'ch elusen yn gweithredu
- dosbarthiadau o elusennau
- disgrifiad o weithgareddau
- manylion cyfrif banc neu gymdeithas adeiladu
Rhaid i chi gael cyfrinair unigryw yr elusen i ddefnyddio'r gwasanaeth ar-lein. Os nad yw'r cyfrinair gennych neu os oes angen un newydd arnoch, gallwch archebu cyfrinair arall.
Byddwn yn anfon y cyfrinair newydd atoch:
- drwy'r e-bost os oes cyfeiriad e-bost gennym y gall y Comisiwn ei ddefnyddio ar gyfer yr elusen
- drwy'r post (i gyfeiriad cyswllt yr elusen) os nad oes un gennym - caniatewch hyd at saith diwrnod i'w anfon
Fodd bynnag, dylech fod yn ymwybodol o'r canlynol:
- mae archebu cyfrinair newydd yn golygu nad oes modd defnyddio unrhyw gyfrinair blaenorol a anfonwyd i'r elusen
- gall cyfrineiriau gael eu harchebu drwy ein gwefan yn unig, felly peidiwch â ffonio neu ysgrifennu yn gofyn i ni anfon un atoch
Os yw'r manylion cyswllt neu e-bost sydd gennym ar gyfer eich elusen yn anghywir - ac ni allwch gyrchu ein gwasanaethau ar-lein am unrhyw reswm - dylech gysylltu â ni i'w diweddaru.
Gweler hefyd: