Comisiwn Elusennau

Croeso i'r Gofrestr Elusennau

Mae'r Gofrestr Elusennau yn cadw manylion sefydliadau sydd wedi cael eu cydnabod fel rhai elusennol yn ôl y gyfraith; ac

• sy'n dal y rhan fwyaf o'u hasedau yng Nghymru a/neu Loegr, neu
  
• y mae pob un o'u hymddiriedolwyr neu'r mwyafrif ohonynt yn byw yng Nghymru a/neu Loegr fel rheol, neu
  
• sy'n gwmnïau wedi'u corffori yng Nghymru neu Loegr.
  

Mae'r Gofrestr yn cael ei ffurfio drwy ddefnyddio'r wybodaeth y mae elusennau yn ei rhoi ac mae'n darparu ffeithiau a ffigurau allweddol am eu gwaith a'u cyllid. Mae'r cofnodion ar gyfer elusennau mwy gydag incwm dros £500,000 yn cynnwys proffil ariannol.

Mae hefyd yn dangos manylion y rhai sy'n gyfrifol am waith yr elusen yn y dyfodol (ymddiriedolwyr) ac mae'n cofnodi a yw'r elusennau sy'n uwch na'r trothwy adrodd wedi ffeilio eu Ffurflen Flynyddol, Adroddiad yr Ymddiriedolwyr a chyfrifon neu beidio.

Elusennau nad yw'n ofynnol iddynt gofrestru

Mae rhai elusennau sy'n fach iawn neu nid yw'r Comisiwn Elusennau yn brif reoleiddiwr ar eu cyfer, wedi'u heithrio ar hyn o bryd o'r angen i gofrestru. I gael rhagor o wybodaeth am elusennau nad ydynt i'w gweld ar y Gofrestr gweler elusennau nad oes rhaid iddynt gofrestru.